* عيشى حياتك *

مش هتلف الأرض بحبى


ولا هتغيب الشمس فى بعدى


عيشى حياتك وإجرحي قلبى


وإنسى حبيبتى أى دموع


إنسى إن انا هرجعلك تانى


برغم عذابى ونار أحزانى


أسيبك وأنا اللى ف حبى أنانى


ولا أسيبك وانا مخدوع ؟؟


**************


الأيام مش واقفه عليا


ولا يا حبيبتى واقفه عليكى


أنا بس اللى مأثر فيا


إنى أشوف دمعه فى عنيكى


بكره تقابلى اللى تحبيه


تجرى عليه لما تشوفيه


تحضنى قلبه قبل عنيه


يسهر حبه مع لياليكى



**************


بتمنالك تبقى سعيده


حتى ان كان فى سعادتك جرحى


قلبى هيمشى فى سكه بعيده


وإنتى ياريت تتمنيلى فرحى


م انتى اختارتى خلاص البعد


وإن إحنا مانكونش لبعض


بس ياريت تفتكرى الوعد


إنك تنسى حتى الذكرى



****************


واحلى سلام