يوسف فى الدنيا

يا عينى عليك......

يا عينى عليك يا ابنى
اتقسمت اتنين فى وسطيهم
بدور عليهم ومش لاقيهم
بكرة تكبر وتعرف
انه كان نصيب
بكرة تكبر وتعرف
ان مش كل واحد ينفع يبقى حبيب
المهم يوم ما تختار
تكون عرفت تاخد قرار
انك تستمر ومتبلغش فرار
اديك شفت بعنيك النار
عشت فيها
واتعودت عليها
وهما الاتنين
كل واحد فيهم فى حياته
لا الاب اب
ولا الام ام
وكل واحد عايش يفكر فى ملذاته
وانت ضايع حزين
بتكبر وتكبر معاك دمع العين
الطلاق يمكن كان حل ليهم
لكن ظلم ليك
فى الزمن دة واللى فات واللى قبليه
كان نفسى الناس تتعلم
ان الطلاق رحمة بكل ما فيه
مش مجرد اتنين بيسبوا بعض وخلاص
مش لازم يموت بعد الطلاق الاحساس
ليه ميكونوش اصحاب علشانك
ليه متكنش انت همزة الوصل
ليه واحد فيهم بيعاند التانى قدامك
اكيد واحد فيهم قليل الاصل
معلش معلش متزعلش
بكرة تكبر وتستغنى عنهم
اعرف ان ربنا موجود دايما واحسن منهم
ويمكن ربنا يهدى الحال
ولو ان دة شى بيبقى محال
من كتر ما بيقطعوا فى بعضهم
ومشاكلهم بتزيد وتوصل لمحاكم بسبب عندهم
ومحدش بيدفع التمن غير الاطفال
بقى بالذمة دة يبقى حلال
بنقلد الغرب فى كل حاجة
ونسيب الكويس منقلدوش
هما بيفضلوا اصحاب بعد الطلاق
علشان ولادهم ميتعبوش
يالا كل عيل فى الظروف دى ليه رب كريم
اصل الحنية مش بتتباع
ولو بتتباع نشتريها حتى لو من لئي