** مش مهم **

مش مهم...
تنسينى ؟؟
تجرى عليا بشوق تاخدينى
لحلم حياتى وسنينى
مش مهم ...

لو هعيشلك كل عمرى
لو هقولك انك انتى
كل حاجه فى دنيتى
وانك انتى اللى معاها
همشى فـ طريقى وسكتى
ايدى حضناها اديكى
فرحتى باينه فى عنيكى
ضحكتى مرسومه بيكى
دنيتى مقسومه ليكى
فى حضنك انتى محتاج أعيش
هتصدقينى ما تصدقيش
مش مهم ...

فى حضنك انتى ..
محتاج اكمل دنيتى
محتاج ألون سكتى
وأمسح بخدك دمعتى
بتحبينى ولا ما بتحبنيش
مش مهم ...

فى حضنك انتى ...
ازاى اشوف فيه حد غيري
ازاى ماتكونش ليا لمسة اديكى
رعشة شفايفك .. ضحكة عنيكى
نظراتك .. همساتك .. آهاتك
كل حاجه فيكى ليا فيها شئ
كل خطوه ليكى فى اى طريق
هتكمليه معايا ولا ماتكمليش
مش مهم ...

قلبى حبك ودى الحقيقه
وكل ظلمى ليكى فيه
مكنتيش بريئه
كنتى قادره ع الفراق
م انتى قادره ..
ومن اول دقيقه
سايبك انا سايبك خلاص
سايبك وسايب قلبى ليكى
احسن م أسيبه يتسجن
خليه امانه بين اديكى
ولما منه تتعبي
ع الرف لازم يتركن
ضيعتى حبى من اديكى
خساره فيكى
ماتستاهليش

ومش مهم ...فاكر اية ؟
قلبى دة اية لعبةفى ايديك؟
بسهولة كل حاجة بتهون عليك؟
كلامى وسلامى
حنانى وغرام
خوفى عليك
احساسى بيك من نبرة صوتك ونظرة عنيك
بعت كل حاجة وبعدت ورجعت وسامحتك
فاكر اية ؟
لقيتها لعبة حلوة قدامك عشان قلت اللى بيحب بيسامح
تروح وتيجى وتبعد وترجع تبيع وتشترى وقت ماتحب!فاكراية؟
فاكرنى هاسمحك تانى
هفتحلك احضانى
هسمعلك من تانى
هسمعك لكدبك واغانيك واعذارك من تانى
لا ياحبيبى انسى انى اسامحك وارجعلك تانى
مع الف سلامة واذا كنت لسة فاكرنى روح وانسانى
مع السلامة ياكل كيانى